Psa 149 | MEU | STEP | Iehova ba imodaia. Ane matamatana avabia, Iehova ena; e abidadama heniamu taudia edia hebou ai ba

Psalms 149

1 Iehova ba imodaia.
Ane matamatana avabia, Iehova ena;
e abidadama heniamu taudia edia hebou ai ba
2 Israel ese ia ikarana Diravana baine moalelaia;
Siona natuna ese edia Pavapava bae moalelaia.
3 Ia ladana bae imodaia mai mavarudia ida,
tareko bona gitara reḡedia amo bae imodaia.
4 Badina be Iehova ese ena orea taudia na e moalelaidiamu,
bona manau taudia na kwalimu e haheralaidiamu.
5 E abidadama heniamu taudia na hairai ai bae hisi dae,
edia mahuta patadia ai moale anedia bae abi.

6 Gadodia ese Dirava bae imodaia badabada,
bona matadia rua daredia na imadia ai bae abi.
7 Orea idau-idau taudia na davadia bae henidia;
bese idau-idau taudia na matadia bae hakanidia.
8 Edia pavapava na auri amo bae ḡuidia,
bona edia lohia na auri gadeadia amo.
9 Hahemaoro herevadia vada e tore ḡaudia heḡereḡeredia ai do bae kara henidia;
e abidadama heniamu taudia iboudiai hairaidia binai.
Iehova ba imodaia.